Gervigreind fyrir reikninga í Reglu

    Minni innsláttur í Reglu. Meiri tími fyrir það sem skiptir máli.

    Bella er gervigreindar-aðstoðarmenni bókarans. Hún les lánardrottnareikningana, undirbýr bókunina línu fyrir línu á bókhaldslykla, VSK og vörunúmer, sendir reikninga til réttra samþykkjenda og færir hvern reikning í Reglu þegar bókarinn hefur staðfest hann.

    Regla helst óbreytt
    Samþykktarferli innbyggt
    Ekkert uppsetningargjald, engin binding

    Sjáðu Bellu vinna með Reglu

    Við sýnum þér hvernig Bella vinnur úr reikningum eins og ykkar, þar á meðal bókhaldslykla, skiptingu reikninga, birgðir og samþykktir, og hvernig þið staðfestið tillögurnar.

    Engin skuldbinding. Í eigin persónu á höfuðborgarsvæðinu eða á fjarfundi.

    „Það kom á óvart hversu auðvelt var að innleiða Bella Books. Get ekki hugsað mér að fara aftur til baka eftir að hafa prófað að nota Bellu.“
    ÍDÍris Dögg Jónsdóttir
    Bókhald, ÞG Verk
    Árangur hjá viðskiptavini Bellu

    Úr 3 klukkustundum í innan við 1

    Dagleg skráning reikninga hjá ÞG Verk, íslensku byggingarfyrirtæki, fyrir og eftir Bellu. Sama teymi, óbreytt bókhaldskerfi.

    Lesa söguna af ÞG Verk →

    Árangur ÞG Verks. Sparnaðurinn fer eftir fjölda reikninga, hversu flóknir þeir eru og núverandi verklagi.

    Vandinn

    Regla virkar vel. Handinnsláttur reikninga er það sem hægir á ykkur.

    Teymið ykkar treystir nú þegar á Reglu í bókhaldinu. En hver lánardrottnareikningur þýðir enn upplýsingar til að slá inn, bókhaldslykla til að velja og upphæðir til að yfirfara. Og samþykki reikninga fer oft fram í tölvupósti, í símtölum eða á pappír, utan bókhaldskerfisins.

    01

    Of mikill handinnsláttur

    Jafnvel fyrir rafræna reikninga þarf enn að slá inn mikið af upplýsingum og taka margar ákvarðanir. Klukkustundir á dag fara í innslátt í stað fjármálavinnu.

    02

    Flókin bókun

    Einn reikningur getur verið með línur á mismunandi bókhaldslykla, VSK meðhöndlun og vörunúmer, sumar á birgðir og aðrar beint í gjöld.

    03

    Samþykktir á víð og dreif

    Þegar reikningur þarf samþykki fer hann í tölvupóst og bíður. Enginn sér hvar hann er staddur, og eindaginn nálgast á meðan.

    04

    Minni tími fyrir eftirlit

    Fólkið sem þekkir fjármálin best eyðir deginum í að slá inn færslur og elta samþykktir í stað þess að yfirfara þær.

    Bella tekur við þeirri vinnu og Regla er áfram á sínum stað.

    Hvað breytist

    Aðstoðarmenni fyrir bókarann, ekki enn eitt kerfið til að sjá um.

    Bella sér um undirbúninginn. Bókarinn yfirfer það sem skiptir máli.

    Miklu minni innsláttur

    Bella les hvern lánardrottnareikning, hvort sem hann berst sem rafrænn reikningur, PDF, skannaður reikningur eða ljósmynd, og útbýr heildstæða bókunartillögu. Bókarinn yfirfer tillögu í stað þess að byrja á auðri færslu.

    Flóknir reikningar bókaðir línu fyrir línu

    Reikningar tilheyra oft fleiri en einum gjaldalykli. Bella skiptir reikningum á bókhaldslykla og VSK meðhöndlun, og á víddir þar sem þið notið þær, jafnvel innan einnar reikningslínu. Teymið yfirfer og leiðréttir áður en nokkuð er bókað.

    Birgðir í Reglu

    Bella bókar á vörunúmer í Reglu, hvort sem það eru birgðavörur eða þjónustuvörur, svo innkaupin skili sér rétt í birgðirnar strax við skráningu.

    Samþykktarferli í Bellu

    Bella er með innbyggt samþykktarkerfi. Þið segið Bellu hvernig á að velja samþykkjendur, út frá lánardrottni, bókhaldslykli, vídd eða öðru sem skiptir ykkur máli. Samþykkjendur samþykkja í Bellu, líka úr símanum, og reikningurinn fer ekki í Reglu fyrr en hann hefur verið samþykktur.

    Reynslan nýtist í verðmætari vinnu

    Bókarinn þekkir lánardrottnana, reksturinn og útgjaldamynstrin. Með minni innslætti fer sú þekking í yfirferð, kostnaðargreiningu og betur upplýstar ákvarðanir.

    Regla helst óbreytt

    Ekkert nýtt bókhaldskerfi, enginn gagnaflutningur og ekkert annað bókhald til hliðar. Bella tengist Reglu í gegnum vefþjónustur Reglu og reikningarnir, ásamt fylgiskjölum, eru áfram í Reglu.

    Sjáðu Bellu vinna með Reglu
    Svona virkar þetta

    Frá lánardrottnareikningi að staðfestri færslu í Reglu

    Bella sér um endurtekna undirbúninginn. Teymið ber áfram ábyrgð á því sem er bókað.

    Skref 01
    Rafrænn reikningur
    →Lesinn
    PDF í tölvupósti
    →Lesinn
    Mynd af kvittun
    →Lesin
    Bella les reikninginn
    Rafrænir reikningar, PDF í tölvupósti, skannaðir reikningar og myndir úr símanum. Bella finnur lánardrottin, dagsetningar, upphæðir, VSK og hverja línu, og grípur tvítekningar.
    Skref 02
    Skrúfur ×200
    →Birgðir
    Ráðgjöf
    →Aðkeypt þjónusta
    Flutningur
    →Flutningur
    Bella undirbýr bókunina
    Bókhaldslykill, VSK og vörunúmer fyrir hverja línu, og víddir þar sem þið notið þær, ásamt tillögu að samþykkjendum. Byggt á sögunni í bókhaldinu og ykkar eigin reglum.
    Skref 03
    Lánardrottinn, 3 línur
    Í lagi
    Samþykkt af Önnu
    Í lagi
    ?
    Nýr lánardrottinn
    Til skoðunar
    Teymið yfirfer, samþykkir og staðfestir
    Bókarinn fer yfir tillögurnar, leiðréttir það sem þarf og staðfestir eða hafnar hverri og einni. Samþykkjendur samþykkja reikningana í Bellu, líka úr símanum í Bellu-appinu. Þegar Bella er ekki viss um sínar tillögur merkir hún reikninginn til skoðunar. Hún lærir af hverri leiðréttingu.
    Skref 04
    Bella sendir í Reglu
    Staðfestir reikningar eru færðir í bunkum í dagbók í Reglu, ásamt fylgiskjölum, og Bella gengur úr skugga um að allt hafi skilað sér. Ekkert fer inn í Reglu nema teymið hafi staðfest það, og Bella skráir hver samþykkti og hver staðfesti hvern reikning.
    Bóka kynningu á ykkar verklagi

    Við förum yfir reikningana ykkar og yfirferðarskrefin sem teymið þarf.

    Fyrir hverja

    Gerð fyrir reikningana sem gera bókhaldið flókið

    Bella er sérstaklega mikils virði þegar lánardrottnareikningar þurfa flókna skiptingu á gjaldalykla, hafa áhrif á birgðir eða þurfa samþykki.

    Verslun og heildsala

    Innkaupareikningar eru oft langir, með tugum vörunúmera. Bella bókar hverja línu á rétt vörunúmer svo birgðirnar haldist réttar, og skilur aðkeypta þjónustu og flutning frá vörunum.

    InnkaupareikningarBirgðavörurÞjónustuvörurFlutningskostnaður

    Bílaleigur og bílaflotar

    Viðgerðir, varahlutir, þjónusta og viðhald skapa stöðugan straum reikninga. Bella bókar hvern kostnað á réttan lykil, og á rétt ökutæki þar sem þið haldið utan um það með víddum.

    ViðhaldsreikningarVarahlutirKostnaður á ökutækiFastir lánardrottnar

    Fasteignafélög og rekstur húsnæðis

    Viðhalds- og verktakareikningar þurfa samþykki þess sem ber ábyrgð á eigninni. Bella sendir hvern reikning til rétts samþykkjanda og færir hann í Reglu þegar hann hefur verið samþykktur.

    Viðhald fasteignaVerktakareikningarSamþykkjendur eftir eignSamþykkt í símanum
    Dæmisaga

    Hvernig ÞG Verk minnkaði daglega skráningu reikninga úr þremur klukkustundum í eina

    ÞG Verk er byggingarfyrirtæki með um 140 starfsmenn í samstæðu 27 félaga. Hverjum reikningi er skipt niður á deildir, verkefni og víddir. „Það var nánast hver einasta lína sem ég þurfti að tikka inn eða afrita frá reikningunum,“ segir Íris Dögg Jónsdóttir í bókhaldi.

    Nú les Bella lánardrottnareikningana, skiptir þeim í réttar færslur og stingur upp á heildstæðri bókun með bókhaldslyklum, víddum, tilvísunum, samþykkjendum og texta. Þegar bókarinn hefur staðfest tillöguna fer reikningurinn í bókhaldskerfið. Reikningar komast líka fyrr í samþykkt og greiðslu.

    Lesa alla dæmisöguna →
    Án Bellu
    ~3 klst.
    á dag í skráningu reikninga
    Með Bellu
    <1 klst.
    á dag í yfirferð og staðfestingu
    Innleiðing
    ~1 vika
    þar til allir reikningar fóru í gegnum Bellu
    “

    Betri yfirsýn og áreiðanlegra bókhald. Tímasparnaðurinn gerir okkur kleift að sinna betur eftirliti með rekstri og reikningum. Áherslan færist úr innslætti yfir í eftirlit.

    Ólafur Þór Jóhannesson
    Framkvæmdastjóri fjármála ÞG verktaka og Arcusar

    Raunverulegur árangur sem einn viðskiptavinur greinir frá.

    Spurningar

    Bella og Regla: það sem fólk spyr um

    Nei. Bella vinnur ofan á Reglu. Ekkert nýtt bókhaldskerfi, enginn gagnaflutningur og ekkert annað bókhald til hliðar. Reikningarnir eru áfram í Reglu.

    Notanda og API lykil fyrir Bellu í Reglu. Við hjálpum ykkur að stofna hvort tveggja. Uppsetningin tekur um tvær klukkustundir og þið getið byrjað að vinna úr reikningum samdægurs. Uppsetningin kostar ekkert.

    Nei. Bella útbýr tillögur og teymið staðfestir þær eða hafnar þeim. Ekkert fer inn í Reglu nema teymið hafi staðfest það. Þegar Bella er ekki viss um reikning merkir hún hann til skoðunar. Staðfestir reikningar fara í dagbók í Reglu, sem þið bókið sjálf. Bella skráir hver staðfesti hvern reikning og hver sendi hann í Reglu.

    Já. Bella bókar hverja reikningslínu á sinn bókhaldslykil og VSK meðhöndlun, og á víddir þar sem þið notið þær. Hún getur líka skipt einni reikningslínu, til dæmis símareikningi sem nær yfir marga starfsmenn. Í kynningunni förum við yfir hvernig þið skiptið kostnaði í dag.

    Já. Bella bókar á vörunúmer í Reglu, bæði birgðavörur og þjónustuvörur. Hvert fyrirtæki setur birgðirnar upp á sinn hátt, svo í kynningunni skoðum við hvernig þið haldið utan um birgðainnkaup í dag.

    Samþykktarferlið er í Bellu. Þið segið Bellu hvernig á að velja samþykkjendur, út frá hvaða samsetningu sem er af lánardrottni, bókhaldslykli, vídd eða öðru sem skiptir máli. Reglurnar skrifið þið á mannamáli. Samþykkjendur samþykkja reikninga í Bellu, líka úr símanum, og reikningur fer ekki í Reglu fyrr en hann hefur verið samþykktur. Bella skráir hver samþykkti hvað og hvenær.

    Nei. Bella er aðstoðarmenni sem vinnur undir stjórn bókarans. Hún tekur við endurtekna innslættinum, svo fólkið sem þekkir reksturinn, lánardrottnana og uppgjörin fær meiri tíma í yfirferð og greiningu. Eins og fjármálastjóri ÞG Verks orðaði það: „Hlutverk bókarans er aðeins að breytast. Við erum ekki að fækka starfsfólki.“

    Það fer eftir fjölda reikninga, hversu flóknir þeir eru og hvernig yfirferðin fer fram í dag. ÞG Verk fór úr um þremur klukkustundum á dag í færslu reikninga niður í innan við eina. Í kynningu getum við skoðað hvar Bella myndi spara mestan tíma í ykkar verklagi.

    Fasta mánaðar- eða ársáskrift, sem fer aðallega eftir því hversu marga reikninga Bella sendir í Reglu á mánuði. Ekkert uppsetningargjald og engin binding: þið getið sagt upp hvenær sem er. Við sendum ykkur tilboð eftir kynninguna.

    Hver tillaga fær öryggiseinkunn, svo teymið getur einbeitt sér að erfiðari reikningunum. Bókarinn leiðréttir það sem er rangt áður en það er bókað og Bella lærir af hverri leiðréttingu.

    Gögnin ykkar eru geymd og unnin, þar með talið öll gervigreindarvinnsla, innan EES. Við þjálfum ekki gervigreindarmódel á gögnunum ykkar. Bella Books er vinnsluaðili samkvæmt vinnslusamningi í samræmi við GDPR, og gögnin eru dulkóðuð bæði í flutningi og geymslu. Í mati ykkar á Bellu getum við farið ítarlega yfir öryggismálin.

    Bókarinn hefur betri hlutum að sinna en að slá inn reikninga allan daginn

    Teymið ykkar þekkir reksturinn. Gefðu því gervigreindar-aðstoðarmenni fyrir endurteknu reikningavinnuna og fáðu meiri tíma í eftirlit og greiningu. Sjáðu hvernig Bella vinnur með Reglu og hvar fyrirtækið gæti sparað tíma.

    Bóka kynningu →
    Vinnur með RegluEkkert uppsetningargjaldEngin binding